Արյունահոսության ժամանակի որոշում (ըստ այվի). abmed.am

Հետազոտության նյութը. մազանոթային արյուն

Հետազոտության եղանակը. մաշկի ստանդարտ վնասման պահից մինչև արյունահոսության դադարեցման ժամանակի որոշում:

Նախապատրաստում: Մազանոթային արյունն անհրաժեշտ է հանձնել առավոտյան, քաղցած, 8–12 ժամ քաղցած մնալուց հետո՝ մինչև ֆիզիոմիջոցառումները, ՈՒՁՀ, էնդոսկոպիկ և ռենտգեն հետազոտությունը։ Արյունը հանձնելու օրը և նախօրեին պետք է բացառել ինտենսիվ ֆիզիկական ծանրաբեռնվածությունը, ալկոհոլի ընդունումը, ծխելը։ Ջուր խմել թույլատրվում է։

Նկարագրություն: Արյունահոսության ժամանակը բնութագրում է թրոմբոցիտների ֆունկցիոնալ ակտիվությունը և նրանց փոխազդեցությունն անոթային պատի հետ։ Այս սքրինինգային թեստը թույլ է տալիս կասկածել թրոմբոցիտոպաթիաների, Վիլեբրանդի հիվանդության առկայությունը և անոթային պատի ագրեգացիոն հատկությունների խանգարումները։ Սովորաբար, այն իրականացվում է արյան մակարդելիության որոշման հետ միասին։

Հետազոտության իրականացման ցուցումները. նախավիրահատական նախապատրաստման սքրինինգ:

Արյունահոսության ժամանակի երկարում.

• թրոմբոցիտոպաթիա,
• թրոմբասթենիա,
• լեյկոզներ,
• լյարդի ցիրոզ,
• հիպո- և ապլաստիկ վիճակ,
• թրոմբոցիտոպենիկ պուրպուրա,
• անգիոհեմոֆիլիա,
• վնասման նկատմամբ մազանոթային պատի դիմադրողականության իջեցում,
• որոշ դեղերի ընդունում (ացետիլսալիցիլաթթու և այլն):

Արյունահոսության ժամանակի երկարացման բացակայությունը միշտ չէ, որ հնարավորություն է տալիս բացառել թրոմբոցիտաանոթային հեմոստազի խանգարումները

Արյան արյունահոսության ժամանակի նվազումը կլինիկական նշանակություն  չունի:

Հարցեր, պատասխաններ, մեկնաբանություններ